Geoaxborot tizimlari (GAT) bo'yicha o'zbek tilidagi onlayn ta'lim platformasi.
Geoaxborot tizimlari — bu xaritalar bilan ishlash va fazoviy ma'lumotlarni tahlil qilish texnologiyasi. Bugun u qishloq xo'jaligi, kadastr, shaharsozlik, ekologiya va transport sohalarida kundalik ish quroli.
Muammo shundaki, o'quv materiallarining deyarli barchasi ingliz yoki rus tilida. Sohaga kirib kelayotgan odam avval til to'sig'ini yengishga majbur bo'ladi — bu o'rganishni sekinlashtiradi.
GEOINFO.UZ shu bo'shliqni to'ldiradi: nazariya emas, amaliy ko'nikma beradigan kurslar — ona tilida.
Har bir kurs sahifasida to'liq dastur, davomiyligi va daraja ko'rsatilgan. Nimani o'rganishingizni oldindan bilasiz.
Video darslar, matn materiallari va amaliy topshiriqlar. Keyingi dars oldingisi tugagach ochiladi.
Kabinetda qaysi darslar tugaganini, umumiy foizni va kunlik faollik xaritangizni ko'rasiz.
GAT haqida hech narsa bilmasangiz ham boshlashingiz mumkin — kurslar dastur o'rnatishdan boshlanadi.
Geodeziya, geografiya va kadastr yo'nalishlari uchun — diplom ishi va amaliyotda kerak bo'ladigan ko'nikmalar.
Ishda GAT dasturlaridan foydalanasizmi? Yangi vositalar va samaraliroq usullar bilan tanishasiz.
Baxtiyor Qahhorov
Geoaxborot tizimlari mutaxassisi. Platformadagi kurslar muallifi.
Kurslar ro'yxatini ko'ring — har birining to'liq dasturi ochiq.